Schleswig-Holsteinische Kirchengeschichte/2/349

GenWiki - Digitale Bibliothek
Schleswig-Holsteinische Kirchengeschichte
Register  |  1. Band  |  3. Band  |  4. Band
2. Band  |  Inhalt des 2. Bandes
<<<Vorherige Seite [348]	Nächste Seite>>> [350]
korrigiert
Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.

commiserint seu perpetraverint, nos extunc in ipsos usurarios et feneratores excommunicationis et anathematis sententiam eadem auctoritate, tenore presentium fecimus et promulgamus, a qva nullus nisi Romanus Pontifex vel cui id specialiter duxerit committendum, preterqvam in mortis articulo constitutis, et debita satisfactione previa absolutionis beneficium valeat impartiri. Quodsi in profundum malorum desilientes, postqvam excommunicationis et anathematis sententiam huiusmodi incurrerint et resipiscere distulerint, si ecclesiasticae, extunc illas omnibus et singulis beneficiis ecclesiasticis, secularibus et qvorumvis ordinum regularibus canonicatibus et prebendis, dignitatibus, personatibus, administrationibus et officiis, quae in qvibusvis ecclesiis sive locis in titulum vel commendam obtinent, privamus et ab illis realiter amovemus, si vero seculares personae fuerint, illas et predictas detestabiles et infames nec non ad omnes dignitates, honores et officia secularia ipsorumqve filios etiam per utramqve lineam usqve ad secundam generationem ad sacros recipiendos ordines et qvaevis beneficia ecclesiastica obtinenda inhabiles et incapaces declaramus et nunciamus, ac eo ipso sint et censeantur esse auctoritate apostolica excommunicati, aggravati, reaggravati, privati, intestabiles, infames et incapaces ac maledictionis eternae, qvam Deus misit Dathan et Abyran, qvos terra vivos absorbuit, ut descenderent in infernum viventes ac Judae Scarioth traditores Redemptoris nostri ad mortem, qvilibet penitens fuerit, tamen medius crepuit, damnationem incurrisse. Et ut praemissa usurarios et ferneratores predictos non lateant, sed a Christianorum corpore tanqvam putrida et arida Ecclesiae membra dejiciantur, venerabili fratri nostro Archiepiscopo Magdeburgensi et dilecto filio Praeposito Ecclesiae Havelbergensis per haec scripta committimus et mandamus, qvatinus ipsi vel alter eorum per se vel alium seu alios premissa omnia et singula, ubi et qvando expedite viderint, etiamsi ad hoc reqvisiti non fuerint, solemniter publicantes non permittant personas predictas, qvae ad ipsarum usurarum solutionem se obligaverunt, ut prefertur, seu earum fideiussores contra presentium tenorem in iudicio vel extra qvomodolibet inqvietari infestari seu molestari, ipsosqve usurarios et ferneratores dominicis