Nachrichten über Adelige Familien und Güter - 2/064
aus GenWiki, dem genealogischen Lexikon zum Mitmachen.
| GenWiki - Digitale Bibliothek | |
|---|---|
| Nachrichten über Adelige Familien und Güter - 2 | |
| Inhalt | |
| <<<Vorherige
Seite [063] |
Nächste
Seite>>> [065] |
 |
|
| korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig. | |
Vniuersis presentes litteras visuris et audituris Nos Lysa
magistra et Hadewigis priorissa totusque conuentus ecclesie in
piscina extra muros Colonienses Notum facimus et per presentes
publice profitemur quod nos vtilitate nostre ecclesie in hoc
diligencius perpensata concessimus iusto locacionis titulo et per
presentes concedimus Henrico dicto Kleinsmitt et Cristine eius
filie legitime ac eorum heredibus recipientibus a nobis et ab
ecclesia nostra domum et aream sitam in Vrechen in opposito
ecclesie in Vrechen cum vna pecia terre arabilis tenente dimidium
Jurnalem et duodecim virgas siue sit plus siue minus, prout sita
est et iacet infra predictam aream et semitam qua itur ad Coloniam
iuxtra terram arabilem domini Karsilii de Palant ex vno latere et
Arnoldi de Bacheim armigeri ex altero latere, iure hereditario
tenendam et possidendam pro annuo censu videlicet pro vna marca
Colonieusium denariorum pro tempore solucionis communiter
currencium et datiuoruin, pro duobus caponibus et duabus gallinis
bene valentibus et pro demidio maldro tritici melioris crementi
prope duos denarios, quod in communi foro solucionis intra Coloniam
fertur communiter ad vendendum, soluendis et presentandis nobis et
ecclesie nostre singulis annis suis periculis laboribus et expensis
in festo beati Remigii episcopi vel infra quatuor septimanas
proxime sequentes Sine capcione. Condicionatum est quod predicti
heredes domum et aream in suis sepibus et edificiis edificabilem et
incolapsam et terram arabilem prenominatam in bona et fertili
cultura conseruabunt nee memoratam hereditatem debent aggrauare
aliquo censu seu pensione ultra censum prenotatum nisi cum consensu
magistre et conuentus predicti---In cuius rei testimonium sigilla
discretorum virorum videlicet d. Brunonis pastoris in Darnauwe nunc
rectoris ecclesie in Vrechen, nec non Wilhelmi de Hoichsteden
armigeri ad preces dicti Henrici Kleinsmitt et Cristine filie sue
sunt appensa Datum anno domini MCCC septuagesimo in vigilia
purificacionis beate Marie.
