Tappensches Familienbuch (1889)/254
| GenWiki - Digitale Bibliothek | |
|---|---|
| Tappensches Familienbuch (1889) | |
| Inhalt | |
| <<<Vorherige Seite [253] |
Nächste Seite>>> [255] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
Doctoris gradum expetat, curabis, ut accurate exploretur ante ejus eruditio et experientia, an ea sit, cui valetudinis affectae salus et cura tuto committatur. En Tibi quoque Sigillum, quo ordinis Tui responsa et acta, ubi res exegerit, ad fidem muniantur.
Ad Te nunc mea properat oratio, D. Gottlieb Samuel Treuer, qui Decani titulo et honore Ordinem Philosophicum diriges, eadem facultate, qua caeteri Ordiues praeditum. Te Decanum Philosophici Ordinis renuncio, constituo, et huc adesse velim, ut dignitatis hujus ornamentum, quod ab Illustrissimo Comite de Schaumburg-Lippe repeto, Tibi una cum Statutis Tuae Facultatis rite tradatur, successuris suo tempore suisque vicibus rursum committendum. Quo plures eaedemque diversae cultioris eruditionis partes in unum hoc, cui praeficeris, Collegium conveniunt: eo quoque districtior occupationibus haec muneris Tui functio poterat videri. Sed tolerabis aequo tamen animo, quidquid hujusce laboris imponitur. Te igitur adibunt primum, qui operae in sapientiae studiis positae praemia a Collegii Tui facultate expectabunt. Tu spem dignis primus facies praemiorum, Tu probatis Collegio Tuo praemia et honores impertieris. Id modo cavebis, ne vulgando et cum indignis dignitatem communicando ipsa dignitas vilescat. Caeterum, cum subinde evenire possint casus, de quibus Collegium Philosophicum consulatur: hoc Signaculum Tibi trado, quo litterae et responsa Facultatis Tuae obsignentur.
Peracta videri poterant, quae solemnitati hujus Dedicationis debebantur, nisi Sparta hac abiturienti manum injiceret lectissima, quae in conspectum se dat universa, studiosae juventutis corona, et dici ad se quoque expectaret. Intelligitis, Generis excellentia, Natalium splendore, Virtutis studio, Eruditionis laude, paratae et augendae, egregii Viri Juvenes, Regis Augustissimi delicium, Patriae spes, Academiae amor, intelligitis, vestram esse rem, quae hucusque acta est et adhuc agitur, vestris, quantacunque est, commodis comparata. Ex vobis posthac deligentur reipublicae Administri, justitiae Sacerdotes, sacri gregis Pastores, scholarum Ephori ac Moderatores, illi denique, qui aliorum saluti et valetudiui pro muneris ipsis demandandi ratione opitulentur. Hoc unicum spectat admiranda Magni Regis cura, sumtus immensi, opera indefessa, huc omnia tendunt Procerum consilia, ut vobis et per vos reipublicae recte consulatur. Nihil vobis deesse voluit Munificentissimi Regis Clementia, non metuendum arbitror, ne vobis ipsi sitis defuturi. Spondet hoc ipsum alacritas vestri vultus et adhibita adhuc studiis industria. Ulterius docendi ardorem, studiorum continuato amore, in Doctoribus vestris incendetis, favorem bonorum omnium vobis conciliabitis, conciliatum ne perdatis, vitae modestia, Superiorum verecundia, et Legum reverentia efficietis: coeptis denique vestris successum Deus illum adspirabit, ut nemo bonis Academiae non perfruatur.
Tu autem Deus T. O. M., cujus hoc opus est, quod Tuae gloriae consecratur. quodque publicae utilitati hodie dedicatur: fove et tuere Tua Clementia, quod Tuis auspiciis bene coeptum, cura et impensis Augustissimi Regis eousque est perductum, ut uberrimus inde fructus, indiesque laetior porro expectetur. Serva Regem Potentissimum Georgium IIdum, Fundatorem hujus Suae Academiae et Rectorem Magnificentissimum, serva Reginam, dignis Majestate Sua virtutibus Ornatissimam, Regiamque Familiam Universam, Omnes ac Singulos, sine valetudinis aut fortunae offeusa salvos et incolumes quam diutissime. Et quoniam ardentissimis subjectorum Britannicorum aeque ac Brunsvico-Luneburgicorum votis, O Deus Optime Maxime, haud ita pridem clementissime concessisti Regiam Sobolem, ex Serenissimo Walliae Principe genitam, quas Tuo Nomini pro hoc munere gratias debeamus, intelligimus omnes, easque animo persolvimus devotissimo, precantes, ut hoc Divinae Clementiae Tuae pignus excelse sospites, felicique Liberorum proventu Parentes Serenissimos ulterius foecundes, ut Stirps Regia subjectorum laetitiae et solatio in perpetuum, ad seculorum finem, vigeat et laetius laetiusque efflorescat. Serva porro Illustrissimum Legatum, cum Illustrissimo territorii Electoralis Regimine toto: Serva Provinciarum Proceres, qui salutaria Regis de condenda hac Musarum sede consilia pro virili strenue adjuverunt. Serva Pro-Rectorem Magnificum et una Senatum Academicum, ordinemque professorum omnem cum lectissima studiosae Juventutis, quae huc concessit et posthac concessura est, concione. Serva Praefectum Praesidio, urbi non magis quam Academiae novae adversus vim quamvis tuendae datum. Serva Senatum civicum cum