Gericht Wenden/Zufallsfunde

Info

Bitte geben Sie immer die Quelle Ihrer Information an! Heben Sie Familiennamen hervor, z. B. durch Fettdruck. Weiteres siehe unter Hilfe Zufallsfund.
Um die Findewahrscheinlichkeit Ihres Zufallsfunds zu erhöhen, ist es sinnvoll, diesen auch auf zufallsfunde.net einzutragen.

• Schöffenprotokolle der Stadt Siegburg (1415-1662), Historisches Archiv der Stadt Siegburg, Sign. A II/1-31. Bearbeiter: W. Günter Henseler.
• A II/2, S. 279r [1508]: Johan (von) Wenden, Kesseljohengen und Johan Lynenwever, ouch van Wenden, synt allsament burg vur Heynen (von Wenden).
• A II/2. S. 286r [1510]: Kessel Johengen est obgenant van Heyn Neten van Wenden, Rutger Lodwichs van Ratingen zom Gryff impetit denselven Heynen vur X Gulden und III Albus heufftgeldes und synen schaden, und hait syne konde und kontschafft doen leesen. Heyn hofft, de lude neit goet genoch ensyn, eme synen eydt zo brechen, und sy solden ouch persoenlich vur gereichte erschynen. Der scheffen hait Rutger ervolgt gewyst. Heyn enkone dan bewysen, de getzuge neit zuichbar man ensy.
• A II/4. S. 25r [1537]: Item, Herman van Wenden und Greit, sin elige huisfraw, hant verkaufft und upgedragen mit hant, halm und monde einen irer beider garden, gelegen bussen der Holtzportzen, tuisschen Joenen erven und Starckenbergsch garden, vur heufft schuist up de straisse, sonder einich jairpacht geldende nemantz und dat Alff Becker und Lißgen, eluiden, iren erven, sich davan unterfft und vurgemelte eluden damit geerfft, as zo Siberch recht is.
• A II/7 1500 Bl. 226r: Loe et Dadenberch, anno domini XVC ipso die Cecilie. Dederich Schomecher, burger zo Bonne, hait gesaicht, dat hie vur veir jaren myt Rutger Lodwichs, burger zo Syberch, van Syberch sy gegangen bis zo Wenden, omb van syner swegerfrauwen etwys vehes zo overkomen. So have Rutger van eynme van Gewenden zo doen gehait, gnant Heyn ...[Leerstelle].... und sy hiemyt Rutger und Heynen vurscreven gegangen in eyn weese, umb eyn koe zo beseyn, die Heyn wolde an scholt geven, deme vurgenanten Rutger. Und as Rutger de koe besach, was de koe mager und stonde hatte ouch ander gebrech, so dat de koe Rutger neit anstendich was, dardurch, dat Rutger und Heyn sich zweyen wurden, umb dat Rutger geyne bezalonge konnte krygen. Darna is derselve Dederich wederumb zo Heynen gegangen und in der gutlicheit myt eme gereidt, umb de bezalonge van Rutgers wegen, so dat Heynen do eme eyn Kron gegeven haet. Und as Dederich myt der Kronen vur der dur was, sprach Heyn, lange weder her de Kronen, wannee dat ich eme dat eyne geve sall ich eme dat ander ouch wuell, doch haet he de Kroen Rutger braicht haet an bezalonge eyner mererer sommen, wilche somme sy ouch under sich gegroist haven. Und de groessong is Dederich neit kundich et hoc vult confirmarer juramento.

• A II/7 1500. Bl. 230a [eingeklebter einseitig beschriebener Zettel, nachträglich mit 230a beschriftet] Lantzberch et Roid, anno domini 1501, feria tercia post oculi. Ailke van Hilbecke uys dem kirspell van Wenden hait gesaicht und gekondt, dat sy vur IIII ader V jaeren daran und oever geweist sy zo Wenden, in Heynen huse zo Wenden, dat Heyn myt Rutger, burger zo Syberch, gerechent have. Und Heyn have Rutger eyn Kroen gegeven und sy eme do noch schuldich bleven X Gulden und III Albus.
• A II/8 Bl. 84r, 1506: Roid et Seichtem, anno XVC und VI, feria sexta post Crucis. Arnolt, elige son und monper Cathrinen zo Schonauwe uys deme kirspell van Wenden, hait as eyn warafftich monper des wir breve und segell gesehen haven verkaufft und upgedragen Heynrich Lynenwever und Gertruydt, syner huysfrauwen, der vurgenanten Kathrinen andeill und ersterffnisse am huse zor Zangen, gelegen bynnen Syberch in der Moelengassen, tusschen Girlach Beckers huse und seligen Peters Strensers huse, neemlich de helffte darvan, wie ir dat van yrme sone seligen Hennen, deme smede, zoerstorven is, myt allem syme zobehuren. Gelden dat alonge huyss jars deme presentzmeister up sent Johansdach .... VII Mark. Und des sall he datselve huyss van allen anderen gruntzynse off id des get gulde, vryen. Vte quindecium folia et leg.....
• A II/8, Bl. 160r, [1509]“: .... zogehuerich Johan van Wenden, lynenwever, eyn boid zo Syberch, plach zo syn
• A II/9 1520 Bl. 204v Alner et Loe, anno et cetera [15]XX, feria quarta post Sacramenti. Entgen Weschpoels, wedewe, hait van crafft Johan Weschpoel, yr elige man was, der updracht sy under sich vermacht und verdragen hatten, verkoufft und upgedragen Herman van Wenden und Greten Jaspers, eluden, eyn nederlaess, gelegen buyssen der Holtzportzen in der Ryntgassen tghaen Belen Hennen erffschaff tussen zor Blomen erffzalen und Heynrich Koehirden und darzo VIII Albus erffrenthen, de deselven elude noch hant an deme gansse gehuse vellich.
• A II/13 1542 Bl. 35v Item, Pauwels van Creistorp und Greta van Wenden, sin elige huisfrauwe, haben mit hant, halm und monde, as recht ist, vertzegen, uff VII ½ Albus erfflicher jairlicher rentten, die sy hiebevor gehait haben und jairlichs uffgebort, uiß Entgen Weschpoels nagelaissen erff, dat Jorgen zor Blomen hiebevor gegolden und in gebrouch gehait, inhalt des gerichtzboch und dat zu henden Jorgen zor Blomen und Elßgen, siner eliger huisfrauwen, iren erven.