Schleswig-Holsteinische Kirchengeschichte/3/325
| GenWiki - Digitale Bibliothek | |
|---|---|
| Schleswig-Holsteinische Kirchengeschichte | |
| Register | 1. Band | 2. Band | 4. Band | |
| 3. Band | Inhalt des 3. Bandes | |
| <<<Vorherige Seite [324] |
Nächste Seite>>> [326] |
| |
| unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
Uebereinkunft des päpstlichen Legaten Raimund und dessen Subdelegaten Dr. Johannes Speglin mit dem Herzoge Friederich I. zu Gottorf wegen einer großen Ablaßverkündigung in dem Herzoglichen Lande, um zu den Kosten des Krieges gegen die Türken beizutragen. 1501, Novbr. 30.
Wii Johannes Speglin Doctor in der Hilligen schrift, Abbet to Alterippe Cisterciensis Ordens vnde des Erwerdigesten in got vaders vnde Heren, Hern Raymundi des titels Sancte Marie Noue presters Cardinalis vnßes Hilligesten vaders des Paweses a Latere Legaten ouer dudesche lant, Dennemargken, Sweden, Norwegen, Freßlant vnde Prüssen Subdelegate Don witlich openbare bekennen vnde betugen In vnde myt desseme vnseme openen breue vor alleswemen, So als vns denn mitsampt vnßen Commissarien vnde Deneren, de Hochgeborne Furste vnde Here, Here Frederich Erffgenhame to Norwegen, Hertog to Sleßwigk ock Hertog to Holsten Stormarn vnde der Ditmerschen, Greue to Oldemborg vnde Delmenhorst. Sodan gulden jare gnade vnde afflat von vnßem Hilligesten vader deme Pawese Inholde Pawestlicher Bullen, derhaluen jegen den Vigent Cristi vnde vnses gelouen den Türchen vthgegangen, deme Pewestlichen stole to Rome to gehorsame, eren vnde wolgefalle in synen furstlichen gnaden landen, steden vnde gebeden, Nomelichen bynnen Sleßwigk, Hadersleue, Hußum, tom Kyle, to Itzeho, Tundern, Eyderstede vnde Strannt vnde nergen anders in syner gnade landen to vorkündigende, dat crüce vptorichtende in eyner islichen vorben. stede vnde lande eyn, eyne Deslotige kysten, darvan syne fürstliche gnade van islicher kisten eynen slotell by sik in vorwaringe hebben schall, to sörende, van allen vnde islichen saken, articulen vnde faculteten inholde vnde vermoge dersuluen Pewestlichen Bullen, alle gelt so derhaluen fallende werdet, van vns, vnßen Commissarien, bichtehöereren vnde deneren darhen in to vorwißende vnde intoleggende, vnde myt vnde by allen anderen,